50 aniversario de “Memorias dun neno labrego”

50 aniversario da saída do libro "Memorias dun neno labrego" de Xosé Neira Vilas. Acto de celebración do cincuentenario. O máis vendido entre os mellor vendidos. Saído do prelo na Arxentina un 5 de xaneiro, do ano 1961. Medio século despois da súa publicación, a obra de Xosé Neira Vilas despachou 600.000 exemplares, foi traducida a 14 idiomas, entre eles o chinés, o ruso, o alemán ou o inglés, e coñeceu 31 edicións, a máis recente a que, co gallo da conmemoración dos 50 anos do texto, Galaxia ofrece coa cuberta orixinal de Luís Seoane.