Quem deixou de votar ao BNG o 1º de março de 2009? (Parte II)

Depois das eleiçons galegas de Março de 2009 o CIS realizou um inquérito na Galiza a umha mostra de 2.996 pessoas. As entrevistas fórom realizadas do 7 ao 31 de Março nos fogares. O inquérito desenhado polo CIS incluiu umha pergunta referida ao voto nas eleiçons galegas de 2005: lembra você a que partido ou coaligaçom votou vostede nas últimas eleiçons autonómicas de 2005? A comparaçom entre a contestaçom a esta pregunta e a que se refere ao voto em 2009 permite-nos obter informaçom sobre os votantes perdidos polo BNG entre essas duas convocatórias eleitorais. A informaçom que se pode tirar do inquérito é muito ampla; este documento nom pretende realizar umha extracçom exaustiva tam só assinalar alguns aspectos. Tampouco pretendemos fazer umha análise em profundidade dos dados extraídos, muito menos tentamos realizar qualquer tipo de análise prospectiva ou propositiva.