Alimentos lácteos: o PP liquida o cooperativismo

A ninguén en pleno uso de razón se lle ocorrería seleccionar para unha competición de velocidade aos deportistas mais lentos. A Feijoo e a Romai Becaría si.
Isto foi o que aconteceu cando se creou a Sociedade “Alimentos Lácteos”.
¿Porqué, nunha decisión política insólita, e so nunhas hora, se exclúen da sociedade as cooperativas mais dimensionadas, con mais capacidade de transformación, mais socios, mais experiencia, mais dinámicas; e, contra todo o acordado, conformase unha sociedade con poucos socios, pouco leite, poucas ou nulas infraestruturas, sen recursos? Por unha soa razón que hoxe xa coñecemos: Alimentos Lácteos foi creada polo PP Galego para usar, abusar e tirar. Alimentos Lácteos foi, e pretenden que así remate deica o final, un instrumento para operacións do PP que nunca saíran a luz Para este caso como para a Caixa Galicia non aparecerán xuíces estrela. As estrelas están sempre no ceo, os sufridores das desfeitas e estafas que se están causando nesta operación, naceron sen estrela.
¿Porqué ía o PP apoiar un Grupo Lácteo Galego de base Cooperativa e con forte respaldo público, cando levaba vinte anos rexeitándoo? Porqué en momentos de “crise acumulativa” e de concentración do diñeiro pon a base financeira para as cooperativas mais insolventes e débiles?
Non e certo que se quedara con esas cooperativas so porque tiñan directivas obedientes ao PP, si non porque eran mais doadas de deixar morrer sen que se protestara pola súa morte, tal como aconteceu. Por si algo fallase na súa estratexia, tivo o Sr. Romai un conclave con algún espírito Santo e saíronlle dous anxos gardiáns para o proxecto nas terras baixas do Ulla e nas altas do Miño, que si se fixera un referendo democrático entre os cooperativistas agrarios de Galiza serían os últimos que alguén votaría e dos primeiros en ser “botados” desas funcións.
A Xunta tería moi pouco que gastar e tutelar nun Grupo Lácteo no que estiveran Feiraco, Hirmandiños, Chataca, e outras moitas. Reafirmando aquel proxecto débil e de compromiso que nacera con Colaga.
A prepotencia de ter gañado unhas eleccións por maioría absoluta co arte dun bo manexo da mentira e da calumnia levou ao PP a profundar na súa estratexia de que o diñeiro público gastado en propaganda da votos e o gastado en economía produtiva quítaos. Ou mellor aínda: ¿Qué pasa si collemos unhas pesetiñas da Xunta para facer proxectos empresariais e as imos pasando para propaganda facendo un pouco de enxeñaría financeira?
Non é certo que a xestión de Alimentos Lácteos fora unha chapuza. En todo caso foi unha chapuza moi ben organizada. Facer un furado, que – como pronto se verá- chegará aos vinte millóns de euros nunha sociedade tan pequena e en tan pouco tempo, non é cousa de piratas normais si non de piratería con altas tecnoloxías.
Alguén dirá: porqué a xente, sindicatos agrarios incluídos, están calados si o asunto é tan grave. Non é certo que todos esteamos en silencio, algúns levamos mais de ano e medio pedindo contas e que se tomaran medidas urxentes. Si é verdade, que o que se pode chamar a oficialidade en senso amplo está, non en silencio, si non silenciados; o mesmo que no resto dos graves problemas nos que hai que poñer ao Goberno Galego fronte aos seus abusos e destrución de Galiza. Cando temos sindicalistas no Deza en cooperativas de Alimentos Lácteos que son figuras claves do PP, e ao mesmo tempo atopamos aos sufridos socios que viviron anos ilusionados nas súas cooperativas, con que o único que lles dan ultimamente son gastos e desgustos, e si queren abandonalas teñen que pagar diñeiro... Vedes os marxistas como sabe o PP destruír as bases do traballo e o aforro socializado para que no futuro a ninguén se lle ocorra defender que as cooperativas son boas? As sociedades preferidas de Feijoo e Romai, por mais que esbardallen, non son as que nos deixan sen roupa si non as que nos deixan sen roupa, sen cooperativa, sen pensión, sen comida, sen moral, sen rixo, sen folgos. Ou sexa, non son as que nos deixan en pelotas si non as que nos deixan ate as pelotas uns, ou varios outras, e entrementres subindo as taxas xudiciais porque ben saben os piratas que hai que cortarlle as amarras ao barco que está no peirao despois de roubalo.
Os xefes da piratería actual deste barco recoñecen estes días en público que o barco xa se tiña que despezar antes de meterlle as últimas partidas de diñeiro público e de leite (coa intención de non pagalo).
¿Porqué a Xunta de Feijoo botou ao práctico que avisou que o barco facía augas e deixou aos piratas dentro? Porqué hai concelleiros do PP uns contra outros dentro da directiva dunha mesma cooperativa tratando de botarse as culpas mutuamente para ver quen é o próximo alcalde xa que non teñen esperanza ningunha de seguir chuchando da cooperativa.? ¿Como se pode ter o peito, despois de todo o que pasou de querer xuntar a xente para que siga axudando a quen fundiu un montón de cooperativas e dicirlles que se hai que volver a unir para vender o leite xuntos e deixar parte dos ingresos. Para que sigan cobrando os responsábeis desta piratería.?
O peor do PP neste caso non foi fundir Alimentos Lácteos, que xa sempre estivo fundido. O gran éxito foi ir deixando esborrallar as cooperativas unha a unha mentres tocaba a lira, como din eles que facía, Nerón. Que veña agora o Sr, Romai, noutro tempo experto en darlle diñeiro dos galegos aos franceses, e diga cal era a estratexia de Alimentos Lácteos.
Está disposto o translúcido Presidente da Xunta a dicirlle a Conselleira de Economía que lle mande facer striptes ao IGAPE e a Alimentos Lácteos? A que agardan valentes navegantes. Dígannos onde afundiron o barco. Dígannos onde se xerou o gasto si as instalacións xa existían, o leite quedou sen pagar varios meses, os traballadores/as non cobran nin se lles da perspectiva de nada, a materia prima nunca estivo tan barata, os gastos de enerxía da nave non se pagaron, e está cortada. A Alimentos Lácteos din que lle reclaman todos: Fornecedores de envases, materiais químicos, transportistas, distribuidores....
Si temos datos tan certos como que os custos das instalacións, da materia prima e da man de obra non son os causantes da “bancarrota”, si o produto non se perdeu e se vendeu todo e mais houbera, si se cobro todo o elaborado, e a situación é dunhas perdas descomunais, so cabe unha suposición: Un ou varios roubaron. E non fai falla ser moi listo para concluír:
“A Xunta sabe que roubaron en Alimentos Lácteos”.
¿Cómo é que a Xunta non ten idea onde se perdeu unha cantidade tan grande de diñeiro?
¿Qué fan eses inspectores que logo revisan tódolos papeliños de cal queira bar dunha vila que non gaña para pagar a Seguridade Social e lle abren uns expedientes tan severos?
¿Qué supón mais corrupción, fundir o cooperativismo ou fundir vinte millóns de euros do suor dos galegos e galegas? E podemos facer as dúas cousas: Destinamos vinte millóns a unhas boas “accións”, e facemos unha boa “acción” a beneficio doutros axentes comerciais do mercado español e francés como xa fixera no seu día o Sr. Romai cando fundiron Larsa. E si de paso se pode axudar a algunha outra causa social ou relixiosa, mellor.
¿A quén mais vai beneficiar que desaparezan un feixe de millóns de euros sen que ninguén o explique?
¿Pagóuselle a alguén dúas veces cisternas de leite en branco ou en negro? ¿Pagáronse sobres como comisión por cisterna? Mercáronse cisternas de leite nun mercado non transparente a prezos moi elevados? Puido haber contabilidades mesturadas de tipo comercial con outras empresas que usurparon os fondos de Alimentos Lácteos? Está o Presidente Feijoo encubrindo a alguén?
¿Porqué Pascual fai tanta comedia? Xa que Pascual nada perdeu. ¿Canto gañou ou pensa gañar?
Onde van aqueles contos de que se ían vender as marcas e que tiñan un valor de seis millóns de euros? Onde estaba o socio que ía poñer capital? ¿Como é que lles estades mentindo a xente cun plan de viabilidade do que non existe nin un so compromiso? Si tal plan fose certo: Quén pon os fundos? ¿Quén se fai cargo das fortes débedas do pasado? Pensades que a xente vai seguir entregando leite para financiar con quitas no prezo aos mesmos xestores polos que se senten estafados? ¿Como van convencer a xente eses desastrosos – e aproveitados- xefes do PP que tedes nas cooperativas, cando os primeiros en fuxir das cooperativas foron os mais achegados a eles?
Sr. Presidente da Xunta ten vostede unha ocasión de ouro para facer ese “striptease” ou "despelote", ou transfiguración, ou como lle queira chamar, que vostede lle pide a unha parte da sociedade. Póñanos rapidamente en claro o caso de Alimentos Lácteos; que podamos dicir “branco e en botella transparente”. A que non se atreve?....