Que foi de Foresgal?
No mes de marzo, co gallo do día forestal mundial, tiña que terse celebrado a III edición de Foresgal. O PP pechou esta iniciativa por considerala nacida da man do nacionalismo
Foresgal naceu como evento feiral en marzo de 2007 coa intención de resaltar a importancia do sector do monte no noso país e co obxectivo de construír canles de comunicación entre este sector e a sociedade. De feito o lema do seu comezo "achégate ao monte", indicaba claramente a súa pretensión educativa e divulgativa.
A primeira edición celebrouse no Pazo de Feiras e Congresos de Lugo do 23 ao 25 de marzo. Organizado pola Consellería do Medio Rural e a Fundación Feiras e Exposicións de Lugo, contou co apoio do Agader, a Consellería de Innovación e Industria, a Consellería de Cultura e Deporte e tamén da Dirección Xeral de Xuventude e Solidariedade.
A segunda edición celebrouse no Pazo de Feiras e Congresos de Lugo do 28 ao 30 de marzo de 2008 e tivo un carácter netamente máis integral e transversal, na que se deron cita as últimas novidades e avances relacionados coa planificación e a xestión do monte. O lema de ese ano "o noso monte, fonte de riqueza", facía mención á importancia de resaltar a multitude de produtos e servizos que ofrece o noso monte. Deuse o paso nesta edición a diversos encontros: mesa da madeira, foro da madeira, encontro de voluntariado e I encontro de MVMC da provincia de Lugo; que pretenderon dar voz e participación á sociedade na construción do presente e futuro do monte.
Organizado pola Consellería do Medio Rural e a Fundación Feiras e Exposicións de Lugo, contou co apoio da Vicepresidencia, Consellería de Innovación e Industria, da Consellería de Cultura e Deporte, da Consellería de Vivenda e tamén do CIS-Madeira, así como de un amplo conxunto de colaboradores.
Foresgal converteuse así nun espazo aberto de encontro no que a sociedade coñeceu de primeira man a realidade, os avances, a investigación, a calidade e a diversidade dos produtos do monte; en definitiva, as características identitarias dun sector, o do monte, piar do noso medio rural.
No ano 2009, e aínda que a feira pasaba a ter unha periodicidade bianual, organizouse dentro do marco de Foresgal a Semana Forestal 2009 coas seguintes actividades: I Asemblea Técnica Forestal, II Encontro de Comunidades de Montes, Xornada do Uso da Madeira no Rural e a Festa da Árbore.
Que pasou coa terceira edición?
A celebración da terceira edición de Foresgal estaba prevista en marzo de 2010. O seu lema era "o monte, é cousa de todos" e tiña avanzada a súa promoción en distintos eventos do sector a nivel europeo: Asturforesta, Forexpo, Expobionergía . . .
O goberno do Partido Popular decidiu non celebrar a terceira edición e dar carpetazo a todo o traballo feito por Foresgal. A razón de fondo de esta decisión, está en pechar todo proxecto iniciado a prol do rural polo anterior goberno, e en especial aquel que tivese vinculación directa co nacionalismo. Dá igual a súa necesidade, dá igual que fose un evento que todo o sector o considerase positivo, dá igual o éxito das edicións pasadas, dá igual a súa oportunidade . . .
No seu lugar temos unha feira relacionada cos automóbiles, un sector moi afincado na provincia de Lugo e por suposto moi relacionado co rural. Amais no mes de xuño terá lugar a primeira edición de un evento similar en Sergude (Boqueixón), que leva por nome Galiforest e está organizado pola Feira Internacional de Galicia.
Que pretendía Foresgal?
Este evento concibíase coma un escaparate para o conxunto da sociedade e o propio sector. A sociedade galega perdeu o contacto e o coñecemento co monte e con todo o que este aporta. Por iso Foresgal apostou por unha faceta divulgativa e pedagóxica tentando de construír puntos de encontro e achegamento.
Os aspectos que se fomentaron desde Foresgal foron:
-O monte, fonte de riqueza: resaltando a cantidade de produtos e servizos que ofrece o noso monte no seu conxunto.
-Achegarse ao monte: aberta ao público en xeral, tendo espazos propios para @s profesionais.
-Carácter divulgativo e formador: necesidade de construír unha cultura do monte, en base a nosa propia historia.
-Fiestra aberta á sociedade para construír canles de comunicación entre a sociedade e o propio sector. Déronse cita diversos tipos de encontros, entre eles algún histórico como o I Encontro de Comunidades de Montes Veciñais en Man Común da provincia de Lugo.
-Mostra interactiva e práctica: combináronse visitas a fábricas con demostracións no monte e no propio recinto feiral.
-Mostra con contidos: necesidade de falar en positivo do monte. Organizáronse durante as distintas edicións xornadas técnicas e relatorios para analizar, reflexionar e facer propostas sobre a situación do noso monte.
-Carácter transversal: implicación de diversas institucións e organizacións; apostando por unha ollada integral.
-Integración de todo o sector baixo unha única mostra na que estea representado todo o ciclo do monte: desde a semente ao produto ou servizo final.
-Percorrido histórico e etnográfico do monte. Presenza activa de contidos interactivos de etnografía, historia e xogos tradicionais.
-Espertar a ilusión no sector na procura dun cambio na visión do monte e o seu futuro.
Foresgal naceu como evento feiral en marzo de 2007 coa intención de resaltar a importancia do sector do monte no noso país e co obxectivo de construír canles de comunicación entre este sector e a sociedade. De feito o lema do seu comezo "achégate ao monte", indicaba claramente a súa pretensión educativa e divulgativa.
A primeira edición celebrouse no Pazo de Feiras e Congresos de Lugo do 23 ao 25 de marzo. Organizado pola Consellería do Medio Rural e a Fundación Feiras e Exposicións de Lugo, contou co apoio do Agader, a Consellería de Innovación e Industria, a Consellería de Cultura e Deporte e tamén da Dirección Xeral de Xuventude e Solidariedade.
A segunda edición celebrouse no Pazo de Feiras e Congresos de Lugo do 28 ao 30 de marzo de 2008 e tivo un carácter netamente máis integral e transversal, na que se deron cita as últimas novidades e avances relacionados coa planificación e a xestión do monte. O lema de ese ano "o noso monte, fonte de riqueza", facía mención á importancia de resaltar a multitude de produtos e servizos que ofrece o noso monte. Deuse o paso nesta edición a diversos encontros: mesa da madeira, foro da madeira, encontro de voluntariado e I encontro de MVMC da provincia de Lugo; que pretenderon dar voz e participación á sociedade na construción do presente e futuro do monte.
Organizado pola Consellería do Medio Rural e a Fundación Feiras e Exposicións de Lugo, contou co apoio da Vicepresidencia, Consellería de Innovación e Industria, da Consellería de Cultura e Deporte, da Consellería de Vivenda e tamén do CIS-Madeira, así como de un amplo conxunto de colaboradores.
Foresgal converteuse así nun espazo aberto de encontro no que a sociedade coñeceu de primeira man a realidade, os avances, a investigación, a calidade e a diversidade dos produtos do monte; en definitiva, as características identitarias dun sector, o do monte, piar do noso medio rural.
No ano 2009, e aínda que a feira pasaba a ter unha periodicidade bianual, organizouse dentro do marco de Foresgal a Semana Forestal 2009 coas seguintes actividades: I Asemblea Técnica Forestal, II Encontro de Comunidades de Montes, Xornada do Uso da Madeira no Rural e a Festa da Árbore.
Que pasou coa terceira edición?
A celebración da terceira edición de Foresgal estaba prevista en marzo de 2010. O seu lema era "o monte, é cousa de todos" e tiña avanzada a súa promoción en distintos eventos do sector a nivel europeo: Asturforesta, Forexpo, Expobionergía . . .
O goberno do Partido Popular decidiu non celebrar a terceira edición e dar carpetazo a todo o traballo feito por Foresgal. A razón de fondo de esta decisión, está en pechar todo proxecto iniciado a prol do rural polo anterior goberno, e en especial aquel que tivese vinculación directa co nacionalismo. Dá igual a súa necesidade, dá igual que fose un evento que todo o sector o considerase positivo, dá igual o éxito das edicións pasadas, dá igual a súa oportunidade . . .
No seu lugar temos unha feira relacionada cos automóbiles, un sector moi afincado na provincia de Lugo e por suposto moi relacionado co rural. Amais no mes de xuño terá lugar a primeira edición de un evento similar en Sergude (Boqueixón), que leva por nome Galiforest e está organizado pola Feira Internacional de Galicia.
Que pretendía Foresgal?
Este evento concibíase coma un escaparate para o conxunto da sociedade e o propio sector. A sociedade galega perdeu o contacto e o coñecemento co monte e con todo o que este aporta. Por iso Foresgal apostou por unha faceta divulgativa e pedagóxica tentando de construír puntos de encontro e achegamento.
Os aspectos que se fomentaron desde Foresgal foron:
-O monte, fonte de riqueza: resaltando a cantidade de produtos e servizos que ofrece o noso monte no seu conxunto.
-Achegarse ao monte: aberta ao público en xeral, tendo espazos propios para @s profesionais.
-Carácter divulgativo e formador: necesidade de construír unha cultura do monte, en base a nosa propia historia.
-Fiestra aberta á sociedade para construír canles de comunicación entre a sociedade e o propio sector. Déronse cita diversos tipos de encontros, entre eles algún histórico como o I Encontro de Comunidades de Montes Veciñais en Man Común da provincia de Lugo.
-Mostra interactiva e práctica: combináronse visitas a fábricas con demostracións no monte e no propio recinto feiral.
-Mostra con contidos: necesidade de falar en positivo do monte. Organizáronse durante as distintas edicións xornadas técnicas e relatorios para analizar, reflexionar e facer propostas sobre a situación do noso monte.
-Carácter transversal: implicación de diversas institucións e organizacións; apostando por unha ollada integral.
-Integración de todo o sector baixo unha única mostra na que estea representado todo o ciclo do monte: desde a semente ao produto ou servizo final.
-Percorrido histórico e etnográfico do monte. Presenza activa de contidos interactivos de etnografía, historia e xogos tradicionais.
-Espertar a ilusión no sector na procura dun cambio na visión do monte e o seu futuro.
