Todos somos ecologistas?

Há só uns días marchavam por Ferrol representantes de todos os partidos políticos defendendo a recuperaçom da comarca. Os responsáveis e defensores do veto á construçom naval, os que nom construim as infra-estruturas ferroviárias, nom saneiam a ria e privatizam, saem á rua faixa em ma ao mesmo tempo que em no parlamento espanhol e na Junta fam todo o contrario. PP PSOE e IU som agora os que nos defendem, mas algo raro deve ocorrer porque isto está cada vez pior.

Mas assim como em outras questons a maior parte das forças políticas fora do período eleitoral ou nom se "cortam" ou o fam a machado. No relativo ao ecologismo é provavelmente o tema no que todo o mundo se aponta ainda que se faga o contrário.

Já nos podem colocar um parque de eólicos numha zona protegida, que se o fam é para gerar energia limpa. Fazer um passeio marítimo num recheio sobre o mar destruindo o litoral, que é para achegar á gente á natureza, ??? Ao final vai ser que nom fam as EDAR porque é mais natural a depuraçom polo próprio mar e de passo dam de comer ás ameijas.

,Nisto, som precisamente as conselharias e os ministérios mais relacionadas com a defesa dos nossos recursos os máximos responsáveis das maiores desfeitas meio ambientais. Por suposto destruim mentres nos vendem o contrário. A política florestal, ou "contra" os incêndios da Junta é algo que mete medo.

E a conselharia do Mar é a campeoa. destruim a costa e regalam subvençons á aquicultura (mentres escatimam o dinheiro ao marisqueio e recuperaçom dos recursos próprios) ás multinacionais piscícolas. Eles dim que assim evita-se a sobre-exploraçom dos recursos, como? Cultivando peixes carnívoros que precisam de pesca para alimenta-los? destruindo a costa e polo tanto recursos marisqueiros e pesqueiros? contaminando a agua do mar com vertidos direitos sem depurar com restos de comida defecaçons ou antibióticos? colocar gaiolas de salmom arredor ou acima de bancos marisqueiros e pesqueiros é proteger os recursos? estranha forma de face-lo. Ou será mais bem que o interesse é outro muito distinto da protecçom dos recursos e criaçom de empregos no sector primário? Os exemplos poderiam seguir, mas vamos com outras cousas.

Tanto é o que vende o ecologismo, que o até nom há muito tempo máximo responsável da multinacional do "ecologismo" Greenpeace, presenta o seu próprio partido político EQUO a estas eleiçons. Ainda nom há um mês que se constituiu, como boa organizaçom política nom oportunista desde arriba a abaixo. Nom xurde do movimento ecologista próprio que decide unir-se para presentar umha proposta política, xurde, como ele bem conhece (para isso estivo em Greenpeace) dumha oportunidade política e despregasse polo território de "Espanha", fazendo as suas listas com "ecologistas de toda a vida". Vende-no como alternativa ecologista, nada que ver com o oportunismo político. Se alguém tinha algumha duvida de como funcionam estas multinacionais e o tipo de política que praticam creio que está claramente amossado neste "novo projecto político".

Mas nom remata nas actuaçons políticas a venda do amor e respeito ao meio ambiente. Há já alguns meses que quedei surpreendido vendo umha série documental intitulada casas ecológicas, esse era o nome do programa, mas presentavam casas de 500 ou incluso de 1.500 m2 onde só viviam duas ou três pessoas. Isso si, tinham inodoros de dobre descarga, ou placas solares, ou umha mesa feita com umha árvore talada no lugar onde se fixo a casa. Casas de multimilionários, feitas com matérias trazidos de outros continentes com o consumo energético de 10 ou 20 vivendas normais mas com electrodomésticos A+++. Nom há reparo a vender como ecológico qualquer cousa.

As multinacionais energéticas, responsáveis em grande medida pola pressom que exercem sobre os governos, do modelo energético actual baseado no petróleo, regalam vales para lâmpadas de baixo consumo, como respeitam o meio ambiente!. Vendem-nos bio-combustibeis e arrasam selvas primárias para plantar palma de aceite.

Agora vendem os carros eléctricos como o máximo em respeito meio ambiental, que já nom contaminam, nom? E como se produze a electricidade? porque umha grande percentagem segue a produzir-se com nucleares, carvom ou petróleo. Onde está a sua limpeza?

No que respeita ao âmbito individual é similar ao que ocorre quando há um inquérito de temas religiosos, a maioria da povoaçom declara-se católica ainda que nom vaiam á missa, e nom cumpram a maior parte dos preceitos vaticanos. Todos e todas somos ecologistas, quem nom deitou algumha vez um papel no contendedor azul ou reciclou umha garrafa de vidro?

Nom pretendo "sermonear" a ninguém, mas si fazer um pouco de consciência para que lembremos que o futuro do nosso pais e polo tanto dos seus recursos está nas nossas mas, que vexamos mais alá das palavras bonitas, das consignas pré-fabricadas e que exerçamos como galegos e galegas conscientes, consumindo e vivendo sabedores de que os recursos som limitados e o futuro depende da nossa actuaçom individual e colectiva. Só desde o nacionalismo, como vimos demonstrando desde sempre, actuamos nom por consignas ou venda de nengum produto, senom porque somos conscientes de que a vida do nosso povo e o nosso futuro depende da sua defesa. O voto está claro, mas o trabalho também.