• Artigos do colaborador
• Outros colaboradores

MANUEL LÓPEZ FOXO Perfil

Ortigueira, 1960

Comezou a colaborar na prensa aos dezasete anos, cultivando preferentemente  o xornalismo cultural. As súas primeiras colaboracións foron nos anos setenta en “La Voz de Ortigueira” e nas páxinas culturais de “El Ideal Gallego” e  “A Nosa Terra”. Por esa mesma época  impulsou a creación da Asociación Cultural Ramón Cabanillas e a recuperación de figuras como Ramón Armada Teixeiro ou Federico Maciñeira.  Foi, asi mesmo, cofundador de Edicións O Paporroibo e coordinador xeral da Universidade Popular de Ortigueira, pola que pasaron as principais personalidades da cultura galega e figuras como José Luís Sampedro. Entre os seus traballos cómpre destacar “Ortigueira na cultura galega”, “O país de nós”, “Os vellos. A memoria da vida e unha cultura que se perde”  e “Sobre a poesía última de Manuel María (1976-1995)”. Comprometido co nacionalismo galego desde moi mozo, foi militante da AN-PG, portavoz do BNG no Concello de Ortigueira  e máis tarde Responsábel Portavoz Comarcal  do BNG de Ferrolterra. Membro de Rumbo21 e da Comisión Promotora da ILP sobre o sector naval de Galiza.