00:38 Domingo, 25 de Xuño de 2017
Terra e Tempo. Dixital Galego de pensamento nacionalista.

11-02-2017

Aquí temos ao capitalismo en decadencia que practica o canibalismo, da mundialización ao proteccionismo Tatcheriano, unha metástase no capital

O Capital Caníbal

Valorar (9)

HELENA VILAS VIÑAS



Nunca tanto se escoitou falar dos EEUU como nestes últimos meses, nunca tanto soubemos das políticas deste país como agora, sabémolo todo, case todo, e grazas a que un impresentable, falto de ética, con extremas carencias políticas chegou á presidencia. Simplemente por ese motivo se lle da máis audiencia que a outros personaxes, un incitador de odio, a única diferenza da súa contrincante política naquel momento.

Aiiii Europa!!!! Que dicir desa criatura consentida e caprichosa inflada de dereitos, que aínda se cree a máis guapa do baile, esa Europa que se atreve  a criticar semellantes políticas que en case nada se diferencian coas dos EEUU. Esa dobre moral, ese dobre discurso narcisista e ególatra, ese desprezo e soberbia que senten cara os inmigrantes non se diferencian absolutamente en nada do presidente Yankee. Hipocrisía. Todo é unha soberana hipocrisía.

Aiii o capital!!! incapaz de resolver os grandes problemas que de verdade afectan á humanidade; a miseria, a manipulación, a violencia, a explotación, en definitiva; a mentira, cohabitando con unha das grandes lacras da especie: o cristianismo. A Igrexa e o capital, os grandes xinetes da apocalipse. Estamos nesa fase do capitalismo asasino nas súas políticas, unha versión neoliberal que nos retorna ás orixes primitivas, ese xen destrutivo e a vez imposible de destruír que evoluciona dominando o planeta. Un animal voraz. Sen piedade. Un depredador insaciable.

Aquí temos ao capitalismo en decadencia que  practica o canibalismo, da mundialización ao proteccionismo Tatcheriano, unha metástase no capital. Non hai reversión no capitalismo, é máis ben deformación caníbal, a falta de competitividade da sociedade americana non pode competir coa miseria provocada pola mundialización, á supervivencia a calquera custe. Toda esta camarilla desde Washinton leva anos creando problemas en todo o mundo, e veñen agora, (xa demasiado tarde) lanzando mensaxes mediáticas brutais en contra do actual presidente.  

Desde meu humilde punto de vista, e advirto: sen caer no cuñadismo, non quero facer un Inda, que tanto che fala de Venezuela, de comunismo, de fútbol, como che recomenda unha receita de cociña... repito, dende o meu punto de vista práctico e crítico; o netamente negativo é que Trump e o seu movemento, emanan intenso racismo e os latinos van sufrir unha discriminación aínda maior que a actual e tamén a súa política de ir a saco contra o Islam, o máis probable é que xere unha maior radicalización dalgúns movementos desta sociedade. Pero por outra banda e, poñéndolle o meu lado optimista penso que os latinos, por nomear a poboación coa que máis se ensaña o señor  “yankee”, os mexicanos, deberían estar tranquilos e incluso contentos de que este señor chegase á presidencia dos EEUU, porque é o signo máis inequívoco de que ese país está corrompido e en franco estado de decadencia, que xa fai moitos anos que está en caída picada, e a misión de Trump vai ser darlle o puntillazo final acabando de destruír e aniquilar o que queda, tanto económica, política, como social e culturalmente.

Teñamos en conta o que escribiu W.McCoy : “a decadencia e caída do Imperio, catro perspectivas para o fin de século estadounidense antes do ano 2025” Por iso mesmo, sorrían, porque este é o principio do fin deste odiado país imperialista.


-------------------------------------------------------------------------------------------------
Nota da Fundación Bautista Álvarez, editora do dixital Terra e Tempo: As valoracións e opinións contidas nos artigos das nosas colaboradoras e dos nosos colaboradores -cuxo traballo desinteresado sempre agradeceremos- son da súa persoal e intransferíbel responsabilidade. A Fundación e mais a Unión do Povo Galego maniféstanse libremente en por elas mesmas cando o consideran oportuno. Libremente, tamén, os colaboradores e colaboradoras de Terra e Tempo son, por tanto, portavoces de si proprios e de máis ninguén



Engade o teu comentario:

Os campos marcados con* son obrigatorios.









Presentación do III Volume das Obras escollidas de Bautista Álvarez en Pontevedra


© Fundación Bautista Álvarez de Estudos Nacionalistas
Terra e Tempo (ISSN 1575-5517)
Avenida de Lugo, 219, 1º, 15703 • Santiago de Compostela • Galiza
981 57 02 65 – info#code#terraetempo#code#gal